አማራ አቀፍ ልማት ማህበር /አልማ/  ከክልሉ ትምህርት ቢሮ ጋር በመተባበር ተማሪዎችን በአፍ መፍቻ ቋንቋቸው የማንበብና መፃፍ ክህሎት የሚያሻሽል ፕሮጀክት እየተገበረ ነው፡፡

 በፈረንጆች አቆጣጠር ከጃንዋሪ  15/201 –2018  በክልሉ ሰሜንና ደቡብ ጎንደር እንዲሁም ሰሜን ወሎ ዞኖች  በሚገኙ 28 ወረዳዎችና 728 ት/ቤቶች  እየተተገበረ የሚገኘው  የማንበብና መፃፍ ክህሎት ማሳደግ ፕሮጀክት  ከዩ ኤስ አይዲ  በተገኘ 90 ሚሊዮን ብርና  ሴቭ ዘ ችልድረን ኢንተርናሽናል የቴክኒክ ድጋፍ  ይደረግለታል፡፡

 ፕሮጀክቱ ግማሽ ሚሊዮን የሚደርሱ  ከአንደኛ እስከ ስምንተኛ ክፍል   ተማሪዎች ራሳቸውን ችለው ለመማር እንዲነሳሱና   ማንበብ እንዲያዘወትሩ የጎላ አስተዋፅኦ የሚያደርግ  ሲሆን  ፤  በትምህርት ቤቶች ዘንድ ውጤታማ  የመማር ማስተማር ሄደት እንዲካሄድ እያደረገ መሆኑ ተገልጧል፡፡

አልማ ከ21 ሚሊዮን ብር በላይ ወጪ  ያስገነባቸው የትምህርትና ጤና ተቋማት ተመርቀው(ትኩስ)

አማራ አቀፍ ልማት ማህበር /አልማ / በሰሜን ጐንደር ዞን ጐንደር ዙሪያ ወረዳ 10 ቀበሌዎች ኤ ግሊመር ኦፍ  ሆፕ  ከተባለ በጎ አድራጎት ድርጅት በተገኘ  ድጋፍ እንዲሁም በወረዳው አስተዳደርና በአካባቢው  ህብረተሰብ የጋራ ትብብር ከ21 ሚሊዮን ብር በላይ ወጪ  ያስገነባቸው የትምህርትና ጤና ተቋማት ተመርቀው አገልገሎት መስጠት ጀመሩ፡፡

አልማ ለትምህርት ጥራት መረጋገጥ

አማራ አቀፍ ልማት ማህበር/አልማ/ በ60 ሚሊዮን ብር ወጭ የትምህርት ጥራትን ለማረጋገጥ የሚያግዝ ፕሮጀክት ለመተግበር ቅድመ ዝግጅት

 እያደረገ መሆኑን አስታወቀ፡፡   በልማት ማህበሩ ከፍተኛ ፕሮግራም ኦፊሰር አቶ አበረ መኩሪያዉ የህጻናት የንባብ ባህልና ክህሎት ለማሻሻል በክልሉ ት/ ቢሮ በተዘጋጀ የምክክር መድረክ ላይ እንደገለጹት አልማ ለህጻናት የንባብ ባህልና ክህሎት መሻሻል ከዚህ ቀደም ያከናወናቸዉንና የተገኙ ምርጥ ተሞክሮዎችን ጠቅሰዉ  በአጋር አካላትና በዘርፉ የተገኙ ግብዓቶችን በማጠናከር በመጀመሪያ ደረጃ ት/ቤቶች ለትምህርት ጥራት መረጋገጥ በትኩረት እንደሚሰራ አስረድተዋል፡ ፡  

የማህበራዊ ተጠያቂነት ፕሮጀክት ከ58 ሽህ በላይ የህብረተሰብ ክፍሎችን ተጠቃሚ አደረገ

ባለፉት ሁለት አመታት እየተተገበረ ያለው የማህበራዊ ተጠያቂነት ፕሮጀክት ከ58 ሽህ በላይ የህብረተሰብ ክፍሎችን ተጠቃሚ ማድረጉን የአማራ አቀፍ ልማት ማህበር /አልማ/ ገለጸ፡፡

በአማራ አቀፍ ልማት ማህበር /አልማ/ የማህበራዊ ተጠያቂነት ፕሮግራም-2 ፕሮጀክት አስተባባሪ ወ/ሮ የሽመቤት አይኔ ለማህበሩ ህዝብ ግንኙነት እንደገለጹት ፕሮጀክቱ በሚተገበርባቸዉ አራት ዞኖችና አምስት ወረዳዎች ፕሮግራሙ በትምህርት፣ በጤና፣ በግብርና፣ በውሃና በገጠር መንገድ ዘርፎች ላይ ትኩረት በማድረግ አገልግሎት ሰጭዎችና ተቀባዮች  ይበልጥ ተቀራርበው በጋራ መስራት እንዲችሉ የሚያግዙ የአቅም ግንባታና የግንዛቤ ፈጠራ ስራ መሰራቱን ገለጸዋል፡፡

ከ2.3 ሚሊዮን ዶላር በላይ የፋይናንስና ቁሰቀቁስ ድጋፍ  ማድረጋቸውን  በሰሜን አሜሪካ የአማራ አቀፍ ልማት ማህበር/አልማ/ የቦርድ ሰብሳቢ ገለፁ፡፡

የቦርድ ሰብሳቢው አቶ ሀይለስላሴ ቸኮል እንደገለፁት በአማራ ክልል ከ2002 ዓ.ም በተካሄደው ልማታዊ ህብረት   ተከትሎ  በተፈጠረው ልማታዊ መነሳሳት በሰሜን አሜሪካ በሚኖሩ የአማራ ተወላጆችና የክልሉ ልማት ደጋፌዎች 2.ሚሊዮን 339 ሽህ 985 ዶላር አሰባስበው ወደ አገር ቤት መላክ ተችሏል፡፡

አልማ ህዝባዊ መሰረቱን እያሰፋ ነዉ፡፡

የብሄራዊ ክልሉ ህዝብ የልማት አቅም ከጊዜ ወደ ጊዜ እየጎለበተ መምጣቱን በአማራ አቀፍ ልማት ማህበር /አልማ/  የአባላት ልማት ፕሮግራም ዳይሬክተር ገለፁ ፡፡

የአባላት ልማት ፕሮግራም ዳይሬክተሩ አቶ ጌቴ ሙላት  የአልማ ሳምንት በወሎ ዩኒቨርስቲ በተከበረበት ወቅት በተዘጋጀ የፓናል ውይይት ላይ ተገኝተው እንደተናገሩት ማህበሩ መሰረታዊ የስራ ሂደት ጥናት አካሂዶ በውስጣዊ አቅሙ ላይ ማተኮሩ ፤ ከዋናው መስሪያቤት እስከ ቀጣናና ቅርንጫፍ ማህበር ደረጃ ተቋማዊ አቅም  ፈጥሮ ለህብረተሰቡ ተደራሽ መሆኑ እንዲሁም  ከማህበሩ የሚሰበሰበውን ሀብት 72% ለወረዳ ልማት እንዲውል የሚፈቅድ ያልተማከለ አሰራር መከተሉ የክልሉ ህዝብ ከማህበሩ ጥላ ስር ተሰባስቦ የመልማት እድሉን እያሰፋው እንደመጣ ተናግረዋል፡፡

አልማ ህዝባዊ መሰረቱን እያሰፋ ነዉ፡፡

የብሄራዊ ክልሉ ህዝብ የልማት አቅም ከጊዜ ወደ ጊዜ እየጎለበተ መምጣቱን በአማራ አቀፍ ልማት ማህበር /አልማ/  የአባላት ልማት ፕሮግራም ዳይሬክተር ገለፁ ፡፡

የአባላት ልማት ፕሮግራም ዳይሬክተሩ አቶ ጌቴ ሙላት  የአልማ ሳምንት በወሎ ዩኒቨርስቲ በተከበረበት ወቅት በተዘጋጀ የፓናል ውይይት ላይ ተገኝተው እንደተናገሩት ማህበሩ መሰረታዊ የስራ ሂደት ጥናት አካሂዶ በውስጣዊ አቅሙ ላይ ማተኮሩ ፤ ከዋናው መስሪያቤት እስከ ቀጣናና ቅርንጫፍ ማህበር ደረጃ ተቋማዊ አቅም  ፈጥሮ ለህብረተሰቡ ተደራሽ መሆኑ እንዲሁም  ከማህበሩ የሚሰበሰበውን ሀብት 72% ለወረዳ ልማት እንዲውል የሚፈቅድ ያልተማከለ አሰራር መከተሉ የክልሉ ህዝብ ከማህበሩ ጥላ ስር ተሰባስቦ የመልማት እድሉን እያሰፋው እንደመጣ ተናግረዋል፡፡

አለም አቀፍ የለጋሾች ቡድን የአልማ ማህበራዊ መሰረተ ልማት ተቋማትን ጎበኙ 

የኤ ግሊመር ኦፍ ሆፕ መስራችና ፕሬዚዳንት ሚስ  ዶና በርበር የተመራ 10 አባላት ያሉት ዓለም- አቀፍ የለጋሾች ቡድን በአማራ ክልል  ሰሜን ጎንደር  መስተዳደር  ዞን  የተከናወኑ  ማህበራዊ መሰረተ ልማት  ተቋማትን ጎበኙ፡፡የኤ ግሊመር ኦፍ ሆፕ ዓለም አቀፍ የለጋሾች ቡድን ከጥር 10 እስከ 12/2007  ዓ.ም ባሉት ሶስት ቀናት በሰሜን ጎንደር መስተዳደር ዞን ጎንደር ዙሪያና ደንቢያ ወረዳዎች ውስጥ ባለፉት አምስት አመታት ተተግብረው ህብረተሰቡን ተጠቃሚ እያደረጉ የሚገኙ የትምህርት ፤የጤና፤የንፁህ መጠጥ ውሀና የመስኖ ልማት ፕሮጀመክት ስራዎችን  ተዘዋውሮ ጎብኝቷል፡፡ 


Copyright © 2012  ADA, All Rights Reserved.               Designed & Developed by :Yibeltal Ferede